बाळंतपण गर्भपात

• गर्भाशय लहान होत जाते.
• अंगावरचं रक्त-पाणी थांबते.
• जखमा असतील तर त्या भरतात.
• थोडं वजन कमी होते.
• बाळाची शिस्त लागते.
• अंगावरचं दूध वाढते.
• ओल्या बाळंतिणीला 7/8 दिवस अंगावर जातं.
• याचा रंग आधी लाल असतो.
• मग तपकिरी – पिवळा होतो.
• ८/10 दिवसांत पांढरा होतो.
• दिवसातून 1/2 कपडे भिजतात.
• वास विशेष नसतो.
• पोटात दुखत नाही.
• गर्भाशय लहान होत जातं.
• 4/5 आठवडयानंतर गर्भाशयाचा गोळा हाताला लागत नाही.

या आजारात गर्भाशयात सूक्ष्मजंतूंमुळे दाह होऊन ते रक्तात पसरतात व मातेची प्रकृती अचानक गंभीर होते. रक्तदाब कमी होतो, ताप खूप येतो किंवा शरीराचे तापमान नेहमीपेक्षा खाली येऊन शरीर ओलसर, थंड लागते. गर्भाशयावर दाबले असता वेदना होते. गर्भाशयातून येणा-या स्त्रावाला दुर्गंधी येते व योग्यवेळी इलाज न झाल्यास मृत्यू येण्याचा धोका असतो. या आजाराला बाळंतरोग म्हणता येईल. अशा वेळी ताबडतोब रुग्णालयात न्यावे.

स्तनामध्ये पू होणे, गाठी होणे, असह्य वेदना होणे, गळू फुटून जखम राहणे, इत्यादी त्रास ब-याच स्त्रियांना होतो. स्तन वेळोवेळी रिकामे करून हे टाळता येईल. मात्र एकदा गळू झाल्यावर स्तन दाबून दूध बाहेर आणणे अवघड होते. शस्त्रक्रियेने गळू फोडून पू काढणे हाच यावर उपाय आहे.